کاروباری ہفتے کے پہلے دن ہی انٹر بینک اور اوپن مارکیٹ میں ڈالرسستا ہوگیا۔ دوسری طرف کاروباری ہفتے کے پہلے روز پاکستان اسٹاک ایکسچینج میں منفی رجحان دیکھا گیا۔
انٹربینک میں دوران ٹریڈنگ ڈالر کی قیمت میں 2 روپے 20 پیسے کی کمی ہوگئی تھی۔
دوران ٹریڈنگ انٹر بینک میں ڈالر300 روپے 75 پیسے پر ٹریڈ ہورہا تھا، تاہم کاروباری وقت ختم ہونے پر انٹربینک میں ڈالر کی قیمت میں 1.78 روپے کمی دیکھی گئی۔
اسٹیٹ بینک کے مطابق انٹربینک میں ڈالر کا لین دین 301.16 روپے پر بند ہوا۔پیر کو اوپن مارکیٹ میں ڈالر کی قیمت میں 3 روپے50 پیسے کی کمی آئی۔
ایکسچینج کمپنیز ایسوسی ایشن کے مطابق اوپن مارکیٹ میں ڈالر 300 روپے 50 پیسے پر ٹریڈ ہورہا ہے۔ایک ہفتے کے دوران اوپن مارکیٹ میں 29.50 روپے سستا ہوا ہے۔
دوسری طرف کاروباری ہفتے کے پہلے روز پاکستان اسٹاک ایکسچینج میں منفی رجحان دیکھا گیا۔100 انڈیکس 147 پوائنٹس کمی کے بعد 45 ہزار 865 پوائنٹس پر بند ہوا۔
