سویڈن میں پہلی بار قرآن مجید کی بے حرمتی کرنے والے شخص کو سزا

سویڈن میں سن دوہزار بیس میں قرآن پاک کی بے حرمتی کرنے والے شخص کو مجرم قرار دے دیا گیا۔

سویڈن کی عدالت نے شہری کو 2020 میں قرآن پاک کی بے حرمتی کے ذریعے نسلی منافرت بھڑکانے کے الزام میں مجرم قرار دیا۔

یہ پہلا موقع ہے جب سویڈن کے عدالتی نظام نے قرآن مجید کی بے حرمتی کے الزام میں مقدمہ چلایا ہے۔

وسطی سویڈن کی لنکوپنگ ڈسٹرکٹ کورٹ نے 27 سالہ شخص کو مجرم قرار دیتے ہوئے کہا کہ اس کے اقدام نے ”مسلمانوں کو نشانہ بنایا تھا نہ کہ اسلام کو ایک مذہب کے طور پر“۔

عدالت کی جانب سے مجرم قرار دیے گئے شخص نے ستمبر 2020 میں لنکوپنگ کیتھیڈرل کے باہر ایک ویڈیو کلپ ریکارڈ کیا تھا جس میں قرآن پاک کی بے حرمتی کی اور پھر ویڈیو سوشل میڈیا پلیٹ فارمز ٹوئٹر اور یوٹیوب پر شائع کیا۔