پاکستان کی خاتون خلا باز نمیرا سلیم نے خلا میں پہنچ کر نئی تاریخ رقم کر دی، خلا میں پہنچنے والی پہلی پاکستانی ہونے کا اعزاز اپنے نام کرلیا۔
نمیرا سلیم امریکی کمپنی ورجن گلیکٹک کمرشل اسپیس لائزر کے ذریعے نیومیکسیکو سے خلا کیلئے روانہ ہوئیں تھی۔
ان کے ہمراہ پرواز میں امریکا اور برطانیہ کے دو خلا باز بھی موجود تھے۔ خلائی مشن میں عملے کے تین ارکان بھی شامل ہیں۔
نمیرا سلیم نےخلائی پرواز کا ٹکٹ 2006میں دو لاکھ ڈالرمیں خریدا تھا۔ نمیرا اس امریکی کمپنی کی خلائی سیاحت کیلئے ٹکٹ خریدنے والے 100 اولین افراد میں شامل ہیں۔
ورجن گیلکٹک نے جون 2023 کے آخر میں پہلی کمرشل پرواز خلا تک لے جانے میں کامیابی حاصل کی تھی، مگر اس پرواز میں عام سیاح سوار نہیں تھے بلکہ اٹلی سے تعلق رکھنے والے ماہرین کو خلا میں لے جایا گیا تھا۔
نمیرا سلیم کو 2011 میں حکومت پاکستان کی جانب سے تمغہ امتیاز سے نوازا گیا تھا۔ نمیرا سلیم 21 اپریل 2007 کو قطب شمالی اور 10جنوری 2008 کو قطب جنوبی میں پاکستان کا پرچم لہرا چکی ہیں۔
