اکستان تحریک انصاف کے صدر و سابق وزیراعلیٰ پنجاب پرویز الٰہی نے کہا ہے کہ نگران حکومت پاکستان ڈیمو کریٹک موومنٹ (پی ڈی ایم) کا تسلسل ہے، موجودہ کابینہ میں سارے ن لیگ کے پسندیدہ لوگ ہیں۔
لاہور میں میڈیا سے گفتگو میں پرویز الٰہی کا کہنا تھاکہ عدلیہ اور فوج پراعتماد ہے، دونوں ادارے ملک کی سلامتی کےضامن ہیں، چیف جسٹس پاکستان قاضی فائز عیسیٰ کی حلف برداری پر خوشی ہے، انہوں نے پہلے دن سے ہی اچھا آغاز کیا۔
انہوں نے کہا کہ پاکستان کے موجودہ حالات کا ذمہ دار شریف خاندان ہے، آئی ایم ایف سے ظالمانہ معاہدے کی سزا عوام بھگت رہے ہیں، پیٹرول، بجلی، گیس کی قیمتوں میں اضافہ اورمنہگائی نواز اور شہباز کی وجہ سے ہے۔
ان کا کہنا تھاکہ پاکستان واپسی پر نواز شریف کو مایوسی ہوگی، عوام استقبال کے بجائے ان سے حساب مانگیں گے، الیکشن کا اعلان ہوتب پتا چلے گا کون کس پوزیشن میں ہے۔
انہوں نے کہا کہ عدلیہ انصاف دے رہی ہے مگر یہ لوگ چھوڑنے کو تیار نہیں۔
