حماس اور اسرائیل کی جنگ 15 ویں روز بھی تھم نہ سکی
صیہونی فورسز کے حملوں میں اب تک 4ہزار651 فلسطینی جان سے گئے، مرنے والوں میں 2 ہزار کے قریب بچے اور 1400 خواتین بھی شامل ہیں۔
فلسطین کی وزارت صحت کے مطابق اسائیل کے حملوں میں ساڑھے 13ہزار سے زائد افراد زخمی ہوئے ہیں ۔ حالیہ جنگ کے نتیجے میں بے گھر ہونے والے فلسطینیوں کی تعداد بھی 12 لاکھ سے تجاوز کر گئی ہے
.
دو ہفتوں کے دوران حماس اور حزب اللہ کے حملوں میں 1400 سے زائد اسرائیلی مارے گئے جبکہ 4ہزار 600 سے زائد زخمی ہوئے ہیں۔ حماس نے 200 اسرائیلوں کو غزہ میں یر غمال بھی بنا رکھا ہے
اسرائیلی وزیر اعظم نتن یاہو نے کارروائیاں جاری رکھنے کی دھمکی دیتے ہوئے کہا ہے کہ غزہ میں فتح حاصل ہونے تک لڑائی جاری رکھیں گے، جتنے اسرائیلی حماس نے یرغمالی بنائے ہیں انہیں واپس لے کر آئیں گے۔
دوسری جانب اسرائیل کے شام پر بھی فضائی حملے جاری ہیں،صیہونی فورسز نے میزائل حملوں میں دمشق اور حلب کے بین الاقوامی ہوائی اڈوں کے رن وزیز کو نشانہ بنایا۔
