10 سالہ سارہ کیس میں گرفتار والد، سوتیلی ماں اور چچا پر قتل کا الزام عائد

برطانیہ میں پولیس نے 10 سالہ بچی سارہ کے قتل کیس میں گرفتار والد عرفان شریف، سوتیلی والدہ بینش بتول اور چچا فیصل پر الزام عائد کردیا۔

برطانوی حکام کے مطابق گزشتہ روز پاکستان سے برطانیہ پہنچنے والے تینوں ملزمان کو 10 برس کی سارہ کے قتل کے شبہ میں گیٹ وک ائیرپورٹ سے گرفتار کیا گیا تھا۔

برطانوی پولیس سارہ شریف ہلاکت کیس کی تحقیقات کررہی ہے، بچی کی لاش 10 اگست کو سرے میں گھر سے ملی تھی، بچی کے والد عرفان، سوتیلی ماں بینش اور چچا فیصل پاکستان فرار ہوگئے تھے۔

عرفان شریف واقعے کے بعد اپنے دیگر 5 بچوں کوبھی پاکستان لے آئے تھے جنہیں گزشتہ دنوں ہی پولیس نے تحویل میں لیا۔