ادارہ شماریات نے مہنگی کے ہفتہ وار اعداد و شمار جاری کر دیئے۔ جس کے مطابق گزشتہ ہفتے 24 اشیاء ضروریہ کی قیمتوں میں اضافہ ہوا ، سالانہ بنیادوں پر مہنگائی کی شرح 26.25 فیصد ریکارڈ کی گئی، ہفتہ وار بنیادوں پر ملک میں مہنگائی کی شرح میں 0.25 فیصد کی معمولی کمی ہوئی۔
ادارہ شماریات کے مطابق گزشتہ ہفتے 8 اشیاء کی قیمتوں میں کمی اور 19 کی قیمتوں میں استحکام رہا۔
رپورٹ میں کہا گیا کہ گزشتہ ہفتے ٹماٹر کی فی کلو قیمت میں 5 روپے اضافہ ہوا، لہسن فی کلو 21 روپے مہنگا ہوا۔
ڈبل روٹی 4 روپے فی کلو مہنگی ہوئی، پیاز 2 روپے، آلو فی کلو 1 روپے مہنگا ہوا۔دال مسور 11 روپے فی کلو، دال مونگ 5 اور دال ماش 7 روپے فی کلو مہنگی ہوئی، جبکہ دال چنا اور برینڈڈ کوکنگ آئل کی قیمتوں میں معمولی کمی ہوئی۔
ادارہ شماریات کے مطابق گزشتہ ہفتے چینی فی کلو 16 روپے سستی ہوئی، جبکہ دودھ، دہی اور کوکنگ آئل کی قیمتوں میں بھی اضافہ ہوا
