کینیڈا میں ایک اور سکھ سکھدول سنگھ بھارتی دہشت گردی کاشکار ہوگیا۔
تفصیلات کے مطابق سکھدول سنگھ کو کینیڈا کے علاقے ونی پیگ میں نامعلوم افراد نے فائرنگ کرکے ہلاک کیا۔ سکھ دول سنگھ 2017 میں بھارتی پنجاب سے کینیڈا منتقل ہوئے تھے اور خالصتان تحریک میں شمولیت اختیار کی تھی۔
مقامی حکام کا کہنا ہے کہ سکھدول سنگھ کا قتل ہردیپ سنگھ کے قتل کی تحقیقات کا ردعمل ہوسکتا ہے۔
یاد رہے کہ ہردیپ سنگھ کے قتل کے خلاف شدید مذمت پر مودی سرکار بے قابو ہوگئی ہے۔ مودی سرکار سکھوں سے کھلے عام دشمنی پراترآئی اور اسی ہٹ دھرمی کو برقراررکھتے ہوئے سکھدول سنگھ کو بھی بے دردی سے قتل کردیا۔
واضح رہے کہ چند روز قبل ہی کینیڈین حکومت نے بھارتی سفیر کو ہردیپ سنگھ نجر کے قتل کا ذمہ دارٹھہرا کر کینیڈاسے نکلنے کا حکم دیا تھا۔ بھارت نے کینیڈا سے ایک قدم آگےرہنے کی بھونڈی کوشش میں پالیسی کوداؤ پرلگاکر کینیڈینز کیلئے ویزہ سروسز معطل کردیں۔
