برطانوی وزیراعظم رشی سونک اپنے غیر معمولی دورے پر مقبوضہ بیت المقدس پہنچے جہاں انہوں نے اسرائیلی ہم منصب نیتن یاہو سے ملاقات کی۔
برطانوی وزیراعظم نے کہا کہ حماس شہریوں کی جانوں کو خطرے میں ڈال رہی ہے، برطانیہ مشکل وقت میں اسرائیل کے ساتھ کھڑا رہے گا۔
رشی سونک نے کہا کہ غزہ میں انسانی امداد کا راستہ کھولنے کے اسرائیل کے فیصلے کا خیرمقدم کرتے ہیں، انہوں اپنے ہم منصب نیتن یاہو سے کہا کہ مجھے یہاں آپ کے ساتھ موجود ہونے پر فخر ہے۔
رشی سونک سے ملاقات کے دوران بھی اسرائیلی وزیر اعظم نے ال اہلی اسپتال پر ہونے والے حملے سے لاتعلقی کا اظہار کرتے ہوئے کہا کہ اسپتال پر حملہ حماس کے ناکام راکٹ کی وجہ سے ہوا۔
اسرائیل کے وزیراعظم نیتن یاہو کا کہنا تھا کہ حماس کے حملے کا مقصد اسرائیل کے عرب ریاستوں سے امن تعلقات بگاڑنا ہے، حماس اسرائیل کے مشرق وسطیٰ میں پُرامن تعلقات میں رکاوٹ ڈالنا چاہتی ہے لیکن اسرائیل مشرق وسطیٰ میں امن کو وسیع کرنا چاہتا ہے۔
اسرائیلی فوج کی غزہ میں ایک اور اسپتال پر بمباری سے مزید 433 فلسطینی مارے گئے، 12روز میں مرنے والے فلسطینیوں کی تعداد3 ہزار500 سے تجاوز ہو گئی ہے جبکہ اب تک 13 ہزار سے زائد فلسطینی زخمی ہو ئے ہیں ۔
دوسری جانب اسرائیلی فورسز نے حماس اور حزب اللہ کے حملوں کے نتیجے میں 2 ہزار اموات کی تصدیق کردی ہے۔حملوں میں زخمی ہونے والے اسرائیلیوں کی تعداد ساڑھے 4 ہزار سے زائد ہے۔ حماس نے150 اسرائیلیوں کو یرغمال بنا رکھا ہے
