اسلام آباد کی انسداد دہشتگری عدالت نے 9 مئی کو دہشتگردی اور بغاوت پر اکسانے کے مقدمے میں صحافی صابر شاکر اور صحافی معید پیرزادہ کے دائمی وارنٹ جاری کر دئیے۔
انسداد دہشتگری عدالت کے جج ابو الحسنات ذولقرنین نے صابر شاکر اور معید پیرزادہ کے دائمی وارنٹ جاری کیے،اشتہاری قرار دینے کی کارروائی کے باوجود صابر شاکر اور معید پیرزادہ عدالت سے مسلسل غیر حاضر رہے۔
صحافی صابر شاکر اور معید پیرزادہ پر عوام کو توڑ پھوڑ کیلئے اکسانے کا مقدمہ تھانہ آبپارہ میں درج کیا گیا تھا،کہیں بھی نظر آنے پر پولیس کو صابر شاکر اور معید پیرزادہ کو گرفتار کرکے عدالت پیش کرنے کا حکم دیدیا۔
صحافی معید پیرزادہ اور صابر شاکر پر الزام ہے کہ انہوں نے مظاہرین کو بغاوت پر اکسایا تھا۔ ایف آئی آر کے مطابق تھانہ آبپارہ کی حدود میں ہونے والے احتجاج کے دوران مظاہرین دونوں صحافیوں کے ویڈیو پیغامات کے ذریعے ہدایات لے رہے تھے۔
خیال رہے کہ صابر شاکر اور معید پیرزادہ اندراجِ مقدمہ سے قبل ہی پاکستان چھوڑ کر بیرونِ ملک منتقل ہو گئے تھے۔
