اسرائیل میں 2 تھائی شہری ہلاک ، 8 زخمی ہوگئے، تھائی حکام

فلسطین کی مزاحتمی تحریک حماس کی جانب سے اسرائیل پر کئے جانے والے حملے میں 2 تھائی شہری بھی ہلاک ہوگئے۔ تھائی لینڈ کے اعلیٰ حکام کے مطابق اسرائیل میں ہونے والی جھڑپوں میں دو تھائی شہری ہلاک اور 8 زخمی ہو گئے ہیں۔

بنکاک پوسٹ نے بتایا کہ ہفتے کے روز شروع ہونے والی لڑائی کے بعد سے 11 تھائی شہریوں کو اغوا بھی کیا جا چکا ہے۔

فلسطین کی مزاحتمی تحریک حماس کی جانب سے اسرائیل کے خلاف ہفتے کے روز شروع کئے جانے والا ’’ آپریشن الاقصیٰ فلڈ ‘‘ دوسرے بھی جاری ہے جس کے نتیجے میں 300 سے زائد اسرائیلی ہلاک ہو چکے ہیں جبکہ اسرائیلی ڈیفنس فورسز ( آئی ڈی ایف ) کے جوابی حملوں میں 313 سے زائد فلسطینی شہید ہو چکے ہیں۔