فلسطینی مزاحمتی تحریک حماس اور اسرائیل کے درمیان لڑائی پانچویں دن میں داخل ہو چکی ہے جس کے نتیجے میں اب تک گیارہ سو سے زائد فلسطینی شہید ہوچکے ہیں
Media coverage: "The death toll of the ongoing Israeli aggression on Gaza has climbed to 1,055, with 5,000 others injured, according to the Palestinian Ministry of Health."#GazaUnderAttack pic.twitter.com/EXi29Of4LF
— Quds News Network (@QudsNen) October 11, 2023
خلیجی میڈیا کے مطابق اسرائیل کی جانب سے فلسطین کے جنوبی شہر خان یونس پر فضائی حملہ کیا گیا جس میں 16 فلسطینی شہید ہوگئے۔
مقامی میڈیا کا بتانا ہےکہ اسرائیلی فضائیہ نے ال آغا اور ابو صاحب فیملیز کے گھروں پر بغیر کسی وارننگ کے بم گرائے جس کے نتیجے میں گھروں میں موجود 8 افراد شہید اور متعدد زخمی ہوگئے۔
فلسطینی وزارت صحت کے مطابق اسرائیلی جارحیت سے شہید ہونے والے فلسطینیوں کی تعداد ایک ہزار 55 ہوگئی ہے جب کہ 5 ہزار سے زائد فلسطینی شہری زخمی ہیں۔
دوسری جانب اسرائیلی فوج نے حماس سے جاری لڑائی میں اب تک 1200 افراد کی ہلاکت اور 2800 سے زائد کے زخمی ہونے کی تصدیق کی ہے۔
اسرائیل نے فلسطین لبریشن آرگنائزیشن ( پی ایل او ) کی جانب سے خوراک اور طبی سامان غزہ پہنچانے کی درخواست رد کردی۔
We requested that food and medical supplies be entered urgently to our people in the #Gaza Strip, but Israel refused. We call on international humanitarian institutions and the international community to intervene urgently to stop the aggression and allow the entry of relief… https://t.co/iowT3S543b
— حسين الشيخ Hussein AlSheikh (@HusseinSheikhpl) October 10, 2023
سماجی رابطے کے پلیٹ فارم ایکس پر پی ایل او کے رہنما حسن الشیخ نے اپنے ایک بیان میں کہا کہ ہم نے غزہ کی پٹی میں اپنے لوگوں کے لیے خوراک اور طبی سامان کے داخلے کی درخواست کی لیکن اسرائیل نے اس کی اجازت دینے سے انکار کردیا ہے۔
