61
نگران وفاقی وزیر توانائی محمد علی کی پریس کانفرنس، بجلی مہنگی ہونے کا زمہ دار عوام کو قرار دے دیا
میڈیا سے بات چیت میں کہا جب تک بجلی چوری ختم نہیں ہوتی اور لوگ بل ادا نہیں کرتے اس وقت تک عوام کو سستی بجلی نہیں ملے گی۔
محمد علی نے بتایا کہ ہر علاقے میں الگ الگ سطح پر بجلی کی چوری ہو رہی ہے، ملک میں 589 ارب روپے کی بجلی چوری ہو رہی ہے یا بل ادا نہیں کیے جا رہے، ہمیں ملک میں ہونے والی بجلی کی چوری کو روکنا ہے۔
وفاقی وزیر نے کہا کہ بجلی چوری یا بل ادا نہ کرنے کے باعث دیگر صارفین پر بوجھ پڑتا ہے،بجلی چوری کی روک تھام کے لیےکریک ڈاؤن کی ہدایت کی ہے، جو بجلی کے بل ادا نہیں کرتے ان سے ریکوری کریں گے۔
