چین کی وزارت خارجہ نے کہا ہے کہ امریکہ حقیقی معنوں میں ’جھوٹ کی سلطنت‘ ہے۔
چینی وزارت خارجہ کا یہ سخت ردعمل امریکی محکمہ خارجہ کی اس رپورٹ کے بعد سامنے آیا جس میں بیجنگ میں الزام عائد کیا گیا ہے کہ وہ معلومات کو توڑ مروڑ کر پیش کرنے کی کوششوں کے لیے سالانہ اربوں ڈالر خرچ کرتا ہے۔
چین کی وزارت خارجہ نے ایک بیان میں کہا کہ رپورٹ میں حقائق کو نظر انداز کیا گیا ہے اور یہ خود جھوٹ پر مبنی ہے۔
چینی وزارت خارجہ کے مطابق امریکی محکمہ خارجہ کی وہ ایجنسیاں جنہوں نے یہ رپورٹ تیار کی تھی، غلط معلومات کا ذریعہ اور ہر طرح کی جنگ کی کمانڈ پوسٹ تھی۔
بیان میں مزید کہا گیا کہ ’حقائق نے بارہا یہ ثابت کیا ہے کہ امریکہ حقیقی معنوں میں ’جھوٹ کی سلطنت‘ ہے۔‘
امریکی محکمہ خارجہ نے جمعرات کو جاری ہونے والی اپنی رپورٹ میں کہا کہ چین سنسر شپ، ڈیٹا جمع کرنے (منفی انداز میں) اور غیرملکی خبر رساں اداروں کی خفیہ خریداری کے ذریعے عالمی میڈیا کو اپنے مقاصد کے لیے استعمال کرتا ہے۔
