ایران کے شہر اصفہان میں جاری اے ایف سی چیمپیئنز لیگ میں سعودی فٹبال کلب ’الاتحاد‘ کا ایرانی فٹبال کلب سباھان‘ کے ساتھ میچ منسوخ کر دیا گیا ہے۔
تفصیلات کے مطابق یہ میچ اس وقت باقاعدہ طور پر منسوخ ہوا جب سعودی کھلاڑیوں اور حکام نے سٹیڈیم میں قاسم سلیمانی کے مجسمے دیکھ کر میدان میں اترنے سے انکار کر دیا۔
سعودی فٹبال ٹیم نے مجسمے ہٹانے تک میچ نہ کھیلنے کا اعلان کرتے ہوئے واک آؤٹ کیا۔ ڈیڑھ گھنٹے تک کوئی پیش رفت نہ ہونے پر سعودی کھلاڑیوں نے فوری طور پر گراؤنڈ چھوڑ دیا اور وہ وطن واپس جانے کے لیے ایئرپورٹ روانہ ہو گئے۔
نادي #اتحاد_جدة السعودي يغادر ملعب #سباهان_أصفهان الإيراني بسبب وضع مجسم لقاسم سليماني ولافتات سياسية داخل الملعب#العربية pic.twitter.com/tJr3oKEZV6
— العربية (@AlArabiya) October 2, 2023
سعودی سپورٹس کمپنی ایس ایس سی سٹیشن نے کہا ہے کہ ’سعودی فیڈریشن کے کھلاڑی ایران کے سباھان اصفہان سٹیڈیم میں قاسم سلیمانی کا مجسمہ دیکھ کر کھیلے بغیر چلے گئے اور میچ منسوخ کردیا گیا۔‘ سعودی فیڈریشن نے میچ کی منسوخی کے بعد اپنے بیان میں کہا کہ ’ہم اپنے کھلاڑیوں کی سلامتی کے پابند ہیں۔‘
