کراچی میں دماغ خور نگلیریا سے ایک اور ہلاکت رپورٹ

کراچی میں دماغ خور جرثومہ سے ایک اور ہلاکت رپورٹ ہوئی ہے۔

کراچی میں دماغ خور جرثومہ نگلیریا کاشکار 45 سالہ شخص انتقال کرگیا،عدنان طارق نارتھ کراچی کا رہائشی تھا۔

رواں برس ملک بھر میں نیگلیریا سے 8 اموات رپورٹ ہوچکی ہیں،روپورٹ کے مطابق نگلیریا سے مرنے والے 5 افراد کا تعلق کراچی، ایک کا حیدرآباد ، ایک میر پور خاص اور ایک کا تعلق کوئٹہ سے ہے۔

طبی ماہرین کے مطابق نگلیریا فاؤلیری کی علامات میں سر درد، بخار، متلی، الٹی، گردن میں اکڑن، تبدیل شدہ ذہنی کیفیت اور دورے پڑنا شامل ہیں۔ نگلیریا فولیری دماغ کھانے والا امیبا ہے۔ اسے کلورین سے آسانی سے مارا جا سکتا ہے، اس سے بچنے کے لیے شہری پانی کے ٹینک میں کلورین ضرور ملائیں۔