اسکاٹ لینڈ کے پاکستانی نژاد فرسٹ منسٹر (وزیراعظم) حمزہ یوسف پر اسکاٹ لینڈ کے فٹ بال شائقین نے قومی ترانے اور بادشاہ کی توہین کا الزام لگایا ہے۔
منگل کو انگلینڈ اور سکاٹ لینڈ کے درمیان میچ کے آغاز سے قبل جب ٹارٹن آرمی نے انگلش قومی ترانہ بجایا تو حمزہ یوسف کے چہرے پر مسکراہٹ تھی۔
ویڈیو فوٹیج میں حمزہ یوسف کو اسکاٹش فٹبال ایسوسی ایشن کے چیف ایگزیکٹیو ایان میکسویل کے ساتھ کھڑے دیکھا جاسکتا ہے، جو ترانے کے دوران بادشاہ کے تعریفی کلمات پر کی گئی ہلڑ بازی کو دیکھ کر مسکرا اٹھے تھے۔
Humza Yousaf caught smirking as Scotland fans boo God Save the King.
Tells you everything about the embarrassment known as the SNP. pic.twitter.com/FBR9pFqVgK
— Chris Rose (@ArchRose90) September 13, 2023
ویڈیو بنانے والے شخص نے اسکاٹش سن کو بتایا کہ ’ایسا لگ رہا تھا کہ وہ خود کو ہنسنے سے روکنے کی کوشش کر رہے ہیں اور حقیقت میں کامیاب نہیں ہو رہے‘۔
’وہ پورے قومی ترانے میں مسکراتے ہوئے دکھائی دیے‘۔
اسکاٹش کنزرویٹو منسٹر آف اسکاٹش پارلیمنٹ مرڈو فریزر نے بھی اس تنازعہ پر کہا کہ وہ (حمزہ یوسف) بادشاہ کا احترام کرنے کے اپنے ’فرض‘ میں ناکام رہے۔
