56
ڈنمارک کی جانب سے فلسطینوں کو دی جانے والی ترقیاتی امداد روک دی گئی ہے۔
اس سے قبل پیر کے روز جرمنی اور آسٹریا کی جانب سے بھی فلسطنیوں کی امداد معطل کرنے کا اعلان کیا گیا تھا۔
جرمنی اور آسٹریا کا کہنا تھا کہ انہوں نے فلسطینی مزاحمتی تحریک حماس کی جانب سے اسرائیل پر حملوں کے بعد فلسطینیوں کی امداد روکنے کا فیصلہ کیا ہے۔
آسٹریا کے وزیر خارجہ الیگزینڈر شلنبرگ نے کہا تھا کہ حکومت فلسطین میں کئی منصوبوں کے لئے 20 ملین ڈالر کی امداد روک رہی ہے جبکہ جرمنی کی حکمران جماعت سوشل ڈیمو کریٹس کی وزیر ترقی سوینجا شولزے نے کہا تھا کہ فلسطین کو فی الحال کوئی ادائیگی نہیں کی جا رہی ہے۔
