پاکستان نے ڈیوس کپ ورلڈ گروپ 2 میں انڈونیشیا کو ہرا کر انٹرنیشنل ٹینس فیڈریشن کے گروپ ون کیلئے کوالیفائی کر لیا۔
انٹرنیشنل ٹینس اور پاکستان ٹینس فیڈریشن کے اشتراک سے پاکستان اسپورٹس کمپلیکس کے ورلڈ کلاس گراس ٹینس کورٹس پر کھیلے جانے والے میگا ایونٹ میں پاکستانی کھلاڑیوں نے مد مقابل مہمان انڈونیشا کے کھلاڑیوں کو شکست دے کر عالمی ٹینس کی رینکنگ میں اپنی پوزیشن مستحکم کرلی۔
پہلے سنگلز مقابلے میں اعصام الحق ںے انڈونیشیا کے ڈیوڈ اگونگ سوسانتو کو 1-6 اور 4-6 سے ہرایا۔
Winning moment of our @DavisCup doubles match against 🇮🇩
Can tell from my body language how pumped i was and how much it means to me to represent my 🇵🇰 and win 👊👊👊 pic.twitter.com/ZAX4NG2GAW— Aisam ul Haq Qureshi (@aisamhqureshi) September 17, 2023
دوسرے سنگلز میں عقیل خان نے انڈونیشیا کے گوناوان تریسموونتارا کو 5-7 اور 4-6 سے شکست دے کر ایونٹ میں اپنی جیت کو کنفرم کیا۔
ڈبلز میں عقیل خان اور اعصام الحق کی جوڑی نے انڈونیشین جوڑی کو 6-3، 5-7 اور 2-6 سے شکست دی۔
ان فتوحات کے بعد پاکستان ٹینس کھیلنے والے دنیا کے دو سو ممالک میں ٹاپ 32 میں آگیا۔
