گوگل کے شریک بانی سرگئی برن نے ایلون مسک کے ساتھ مبینہ تعلقات کی افواہوں کے بعد اپنی اہلیہ نیکول شناہن کو طلاق دیدی
گوگل کے شریک بانی سرگئی برن نے ایلون مسک کے ساتھ مبینہ تعلقات کی افواہوں کے بعد اپنی اہلیہ نیکول شناہن کو طلاق دیدی ہے۔
عدالتی دستاویزات کے مطابق ان کی طلاق کو 26 مئی 2023 کو حتمی شکل دی گئی تھی اور اب وہ اپنی چار سالہ بیٹی کی قانونی تحویل کیلئے کیس دائر کریں گے۔
ایلون مسک اور شناہن دونوں نے ان الزامات کی تردید کی ہے۔
وال سٹریٹ جرنل کے ایک مضمون کے جواب میں مسک نے 25 جولائی 2022 کو ”ایکس“ پر لکھا، ’سرگئی اور میں دوست ہیں اور کل رات ایک ساتھ پارٹی میں تھے۔ نکول کو تین سالوں میں صرف دو بار دیکھا ہے، دونوں بار آس پاس بہت سے دوسرے لوگ تھے اور دونوں کے درمیانکچھ بھی رومانوی نہیں۔
شناہن نے اس اسکینڈل کو ”بالکل کمزور“ قرار دیا اور اصرار کیا کہ وہ اور مسک کبھی بھی دوست سے زیادہ نہیں تھے۔
انہوں نے مسک کے ساتھ رومانوی تعلقات یا افیئر سے انکار کیا۔
