امریکا میں نئے قانون کے مطابق سینیٹرز دفتری امور کی انجام دہی کے دوران ورزش کا لباس پہن سکیں گے۔
ڈیموکریٹس پارٹی نے سینیٹ میں کام کرنے کی ایک پرانی روایت کو تبدیل کردیا ہے جس کے تحت سینیٹرز کو کوٹ اور ٹائی پہننا پڑتی تھی۔
ایوان میں اکثریتی رہنما چک شومر نے سینیٹ کے سارجنٹ ایٹ آرمز سے کہا کہ چیمبر کے غیر تحریر شدہ ڈریس کوڈ پر عمل درآمد کی ضرورت نہیں۔
لباس کے انتخاب میں یہ سہولت چیمبر کے تمام قانون سازوں کو میسر ہوگی۔نئے ہدایت نامے کے مطابق ڈیموکریٹس پارٹی کے سینیٹر جان فیٹرمین شارٹس اور ہوڈی پہن کر سینیٹ پہنچے۔
ریپبلکن پارٹی کی رہنما سوزن کولنز نے میڈیا پر نئے ڈریس کوڈ سے متعلق تنقید کرتے ہوئے کہا کہ وہ بکنی پہن کر ایوان آنے کا سوچ رہی ہیں۔
حالیہ برسوں میں ہاؤس اور سینیٹ نے خواتین کو بغیر آستینوں والا لباس پہننے کیلئے قانون میں نرمی کی تھی۔2019 میں ہاؤس نے الہان عمر کو اسکارف پہننے کی بھی اجازت دی تھی۔
