یوکرین نے دعویٰ کیا ہے کہ اس نے کریمیا کی ”بندرگاہ سیواستوپول“ میں روسی بحریہ کی قیادت کے اجلاس کے دوران میزائل حملہ کیا ہے۔
یوکرین نے ہفتے کے روز کہا ہے کہ ایک روز قبل بندرگاہ میں روس کے بحیرہ اسود کے بیڑے کے ہیڈکوارٹر پر میزائل حملے میں روسی بحریہ کے سینئر کمانڈروں سمیت درجنوں افراد ہلاک یا زخمی ہوئے۔
یوکرین کی فوج کا کہنا ہے کہ حملے کی تفصیلات جلد از جلد سامنے لائی جائیں گی اور اس کے نتیجے میں درجنوں افراد ہلاک اور زخمی ہوئے ہیں جن میں بیڑے کے سینئر کمانڈر بھی شامل ہیں۔
A video appeared online that shows the moment of the rocket strike on the Black Sea Fleet headquarters in Sevastopol. pic.twitter.com/GxZlmAkEVU
— Anton Gerashchenko (@Gerashchenko_en) September 22, 2023
یوکرین کے انٹیلی جنس چیف کیریلو بوڈانوف نے وائس آف امریکا کو دیے گئے بیان میں دعویٰ کیا کہ حملے میں ’کم از کم نو افراد‘ ہلاک ہوئے، جن میں جرنیل بھی شامل ہیں۔
انٹیلی جنس چیف کیریلو بوڈانوف نے یہ بتانے سے انکار کر دیا کہ آیا اس حملے میں مغربی ساختہ میزائل استعمال کیے گئے تھے یا نہیں۔
