سکھ رہنما ہر دیپ سنگھ نجر کے قتل کے معاملے پر کینیڈا نے بھارت کے خلاف مزید 3 بڑے ممالک کی حمایت حاصل کرلی۔امریکہ کے بعد اردن، متحدہ عرب امارات اور برطانیہ نے بھی کینیڈا کی حمایت کا اعلان کردیا۔
عالمی میڈیا کے مطابق 6 اکتوبر کو کینیڈین وزیراعظم جسٹن ٹروڈو نے برطانوی ہم منصب رشی سوناک سے ٹیلیفونک رابطہ کیا۔ برطانوی وزیراعظم نے کہا کہ قانون کی پاسداری تمام ممالک پر لاگو ہے۔ 8 اکتوبر کو کینیڈین وزیراعظم اورمتحدہ عرب امارات کے صدر شیخ محمد بن زاید کے درمیان بھی ہر دیپ سنگھ نجر کے قتل کے معاملے پر گفتگو ہوئی۔
رپورٹ کے مطابق 9 اکتوبر کو جسٹن ٹروڈو نے اردن کے فرمانروا عبداللہ بن الحسین کی بھی حمایت حاصل کرلی۔ اردن، برطانیہ اور متحدہ عرب امارات کے حکمرانوں نے بھارت کے خلاف قانونی کاروائی پر زور دیا ہے۔ شیخ محمد بن زاید نے قانون کی بالادستی اور شہریوں کے تحفظ پر گہری تشویش کا اظہار کیا۔
